रुपेश पाटील यांच्यावर कोकण प्रदेश संघटक तथा उरण-पनवेल मतदार संघाचे निरीक्षक पदाची जबाबदारी.
शिवसेनेतून राष्ट्रवादीत केला होता प्रवेश
संजय कदम, पनवेल
गेली अनेक वर्षे माजी मुख्यमंत्री एकनाथ शिंदे यांच्या छायेत काम करणारे सचिव रुपेश पाटील यांनी गेल्या आठवड्यात राष्ट्रवादी पक्षाची कास धरली. राष्ट्रवादी काँग्रेस पक्षाचे प्रदेशाध्यक्ष सुनील तटकरे यांच्या माध्यमातून त्यांनी आपल्या शेकडो पदाधिकाऱ्यांसोबत राष्टवादीत प्रवेश केला. त्यांचे कोकणातील काम पाहून आणि लोकांसोबत असलेली कनेक्टिव्हिटी पाहून त्यांना राष्ट्रवादीने निवडणुकीच्या वातावरणात पक्ष वाढीची मोठी जबाबदारी दिली आहे.
रुपेश पाटील यांना कोकण प्रदेश संघटक तथा, पनवेल व उरण विधानसभेतील असलेल्या राजकीय अनुभवावरून त्याना दोन्ही मतदार संघ म्हणजे उरण व पनवेल मतदार संघाचे निरीक्षक म्हणून सुद्धा जबाबदारी दिली आहे. ह्या बाबत बोलतांना रुपेश पाटील यांनी स्पष्ट केले कि राष्ट्रवादीत प्रामुख्याने तटकरे साहेबांचा अनुभव व कामाची पद्धत ह्याने मी प्रभावित झालो होतो. सामान्य लोकांपर्यंत पोहचण्याचा त्यांचा स्वभाव व त्यांचे काम उल्लेखनीय आहे. ह्याच धर्तीवर राष्ट्रवादीत कार्य करण्याचा मानस असून. उपमुख्यमंत्री अजित दादा पवार साहेब तथा प्रदेशाध्यक्ष सुनील तटकरे साहेब यांना अपेक्षित असेलेले काम माझ्याकडून घडेल ह्यात वाद नाही. पनवेल आणि उरण मध्ये सुद्धा येत्या काळात राष्ट्रवादी पक्षाची महत्वाची भूमिका असेल हे हि त्यांनी स्पष्ट केले. ह्यावेळी त्यांनी मंत्री अदितीताई तटकरे व माजी आमदार अनिकेत तटकरे यांचे आभार मानले.
