स्वाभिमानी युथ रिपब्लिकन पार्टीची आगामी निवडणुकी संदर्भात बैठक संपन्न; पदाधिकाऱ्यांची नियुक्ती

संजय कदम, पनवेल

स्वाभिमानी युथ रिपब्लिकन पार्टीचे रायगड जिल्हा अध्यक्ष महेश साळुंखे यांच्या प्रमुख मार्गदर्शनाखाली व पनवेल विधानसभा मतदारसंघाचे अध्यक्ष निलेश कांबळे यांच्या अध्यक्षतेखाली पनवेल तालुका व पनवेल शहरातील प्रमुख कार्यकर्त्यांची बैठक शासकीय विश्रामगृह पनवेल येथे संपन्न झाली.

या बैठकीला महाराष्ट्राचे सहसचिव अरुण जाधव, महाराष्ट्राचे कार्याध्यक्ष अरुण धिवर व राजेश हाटे उपस्थित होते. ६ डिसेंबर २०२५ रोजी भारतरत्न डॉक्टर बाबासाहेब आंबेडकर यांचा महापरिनिर्वाण दिन दरवर्षी संपन्न होत आहे. त्याची पूर्वतयारी म्हणून ही आजची बैठक आयोजित करण्यात आली होती. त्याचप्रमाणे लवकरच मिनी विधानसभा म्हणजे जिल्हा परिषद, पंचायत समिती, नगरपालिका, महानगरपालिका यांच्या निवडणुका होऊ घातल्या आहेत. पक्षाची ज्या ज्या ठिकाणी ताकद आहे व जिथे तिथे कार्यकर्ते आहेत. रायगड जिल्ह्यामध्ये त्या त्या ठिकाणी पक्षाचे उमेदवार उभे करण्याविषयी चर्चा करण्यात आली.

रायगड जिल्ह्यातील आजची ही पहिल्या टप्प्यातील पनवेल येथील बैठक संपन्न झालेली आहे . यानंतर पेण, महाड, माणगाव , तळा , श्रीवर्धन, कर्जत खालापूर या ठिकाणी सुद्धा बैठकांचं आयोजन टप्प्याटप्प्याने करण्यात येणार आहे . आजच्या या बैठकीमध्ये श्रीवर्धन तालुक्याचे अध्यक्ष म्हणून संयोग लोखंडे यांची निवड करण्यात आलेली आहे. या बैठकीला सातारा संपर्कप्रमुख विलास नांगरे उपस्थित होते. त्याचप्रमाणे पनवेल तालुक्यातून महिला आघाडी अध्यक्ष ममताज पठाण, समाधान कांबळे, चंद्रकांत वेळासकर, आसिफ शेख, जावेद मास्टर, दिलीप नाईक , विनोद धावारे ,समाधान कांबळे, नरेश परदेशी, मयूर गायकवाड, सुमन पाटील , इत्यादी कार्यकर्ते मोठ्या प्रमाणात उपस्थित होते.