श्री स्वामी समर्थ समाधी मठात गुरुपौर्णिमा उत्सवनिमित्त विविध कार्यक्रम !

अक्कलकोट येथील बुधवार पेठेतिल श्री स्वामी समर्थ समाधी मठात गुरुपौर्णिमेनिमित्त रविवारी (दि. २१) रोजी विविध धार्मिक कार्यक्रमाचे आयोजन करण्यात आले असल्याची माहिती चोळप्पा महाराज यांचे पाचवे वंशज अनुप अनिल पुजारी (महाराज) यांनी दिली. गुरुपौर्णिमेनिमित्त मठाच्या मुख्य गाभारास व संपूर्ण मठास विविध पुष्पमालेनी व फळ फळावलांनी सजावट करण्यात येणार आहे.

प्रारंभी समाधी मठात रविवारी पहाटे ४.३० वाजता काकड आरती होईल. त्यानंतर स्वामींच्या समाधीस महारुद्राभिषेक, गुरु पाद्यपूजा होणार आहे. या सोहळ्यानंतर भाविकांना दर्शनासाठी समाधी मठ दिवसभर खुला राहणार आहे. गुरुपौर्णिमे निमित्त होणारी भाविकांची गर्दी लक्षात घेऊन दर्शन रांगेची व्यवस्था करण्यात आली आहे.

सकाळी ११:३० वाजता अनुप महाराज पुजारी व पुजारी परिवारच्यावतीने आणि मान्यवर भाविकांच्या प्रमुख उपस्थितीत स्वामींना महानैवेद्य दाखवून नैवेद्य आरती होणार आहे. त्यानंतर दिवसभर सर्व भाविकांना महाप्रसाद वाटप होणार आहे. सायंकाळी श्री स्वामी समर्थ समाधी मठ भजन मंडळाच्या वतीने भजन संध्या कार्यक्रम होणार आहे. या कार्यक्रमात अक्कलकोटसह कुरनूर, दहिटणेवाडी, बावकरवाडी येथील कलाकारांची भक्ती गीते सादर होणार आहेत. तरी सर्व भाविकांनी श्रीं स्वामी महाराजांच्या दर्शनाचा व महाप्रसादाचा लाभ घ्यावा, असे आवाहन श्री स्वामी समर्थ समाधी मठ पुजारी परिवार यांच्या वतीने स्वामी भक्तांना केले आहे.

Sent from Yahoo Mail on Android